संत निवृत्तीनाथांचे अभंग

ब्रह्मांड करी हरि ब्रह्म झडकरी । तें नंदयशोदेघरीं खेळतसे ॥ १ ॥

त्रैलोक्यदुर्लभ ब्रह्मांदिका सुलभ । रुक्मिणीवल्लभ कृष्ण सांवळा॥ २ ॥

हिरण्याक्ष वधूनि दाढेवरी मेदिनी । तो हा चक्रपाणी यशोदेचा ॥ ३ ॥

रामावतारु गाढा दशशिरा रगडा । रिठासुर दाढा तेणेंपाडें ॥ ४ ॥

चतुर्भुज श्रीपति सुकुमार साजती । शंख चक्रांकिती हरि माझा ॥ ५ ॥

निवृत्ति ध्यानशूर सर्वरूपें श्रीधर । जिंकिला भौमासुर रणयुद्धीं ॥ ६ ॥

comments powered by Disqus