संत निवृत्तीनाथांचे अभंग

खुंटलें तें मन तोडियेली गति । वेळु तो पुढती मोडियला ॥ १ ॥

जाहालें उन्मन विरालें तें मन । श्रीरामचरण पुरे आम्हां ॥ २ ॥

गेलें मन रामीं निष्काम कल्पना । बुडाली वासना तिये डोही ॥ ३ ॥

धन्य ते चरण नित्यता स्मरण । अखंडसंपन्न प्रेम देतु ॥ ४ ॥

अमृत कुपिका अमृताचा झरा । पटु येकसरा वाहातुसे ॥ ५ ॥

निवृत्तीची वृत्ति प्रेमेंचि डुल्लत । नमनेम निश्चित रामपायीं ॥ ६ ॥

comments powered by Disqus