गण गण गणात बोते।
हे भजन प्रिय सद्गुरुतें।
या श्रेष्ठ गजानन गुरुतें।
तुम्ही आठवित रहा यातें।

हे स्तोत्र नसे अमृत तें।
मंत्राचि योग्यता यातें।
हे संजिवनी आहे नुसतें।
व्यावहारिक अर्थ न याते।

मंत्राचि योग्यता कळते।
जो खराच मांत्रिक त्यातें।
या पाठे दु:ख ते हरतें।
पाठका अति सुख होतें।

हा खचित अनुग्रह केला।
श्रीगजाननें तुम्हाला।
घ्या साधून अवघे याला।
मनिं धरून भावभक्तीला।

कल्य़ाण निरंतर होई।
दु:ख ते मुळी नच राही॥
असल्यास रोग तो जाई।
वासना सर्व पुरतिलही।

आहे याचा अनुभव आला।
म्हणूनिया कथित तुम्हाला॥

तुम्ही बसुन क्षेत्र शेगांवी।
स्तोत्राची प्रचिती पहावी।
ही दंतकथा ना लवही।
या गजाननाची ग्वाही॥