निंदकांचे तोंडा कोण देई तोंड । निंदास्तुति गोड दोन्हीं आम्हां ॥१॥

प्रणवविस्तार पन्नास अक्षर । वाईट चांगुल तेथें कैंचें ॥२॥

डी ओ जी तो डाँग जी ओ डी तो गाँड । वाचणार द्वाड उलटें वाची ॥३॥

बुद्धिभेदें बोल भिन्न भिन्न फोल । वस्तु समतोल एक जगीं ॥४॥

देवा तुला लाज अन्याशीं न काज । निंदेची ती खाज जिरवीं वेगीं ॥५॥

कोणी कांही म्हणो लाथाडो वा हाणो । तुज विण नेणों आणि कांहीं ॥६॥

होऊं सावधान विचारुनी मन । सहूं मानामान आनंदानें ॥७॥

संकल्प निःसार शब्दांचा बाजार । ’रंग’ एक सार दुजा नसे ॥८॥