मुक्तामुक्त कोडे पाहिलें निवाडें । ब्रह्मांडा एवढें महत्तत्त्व ॥ १ ॥
निजतत्त्व आप अवघाचि पारपाक । एका रूपें दीपक लावियेला ॥ २ ॥
आदि मध्यनिज निर्गुण सहज । समाधि निजतेज आम्हा रामू ॥ ३ ॥
मुक्ताईचें धन आत्मराम गूण । देखिलें निधान ह्रदय घटीं ॥ ४ ॥
संत मुक्ताबाईचे अभंग
मुक्ताबाई, संत ज्ञानेश्वरांची सर्वात धाकटी बहीण, हिचा पाया अध्यात्मिक होता. मुक्ताबाईने चांगदेवाचे गर्वहरण केले. मुक्ताबाईंनी आपल्या अध्यात्मिक सामर्थ्याने ज्ञानदेवांच्या पाठीवर मांडे भाजले होते.