शनि शिंगणापूर हे एक जाज्वल्य तीर्थस्थळ आहे. शिंगणापूरच्या या चमत्कारी शनि मंदिरामध्ये देस-विदेशातून अनेक शनि भक्त येतात. मंदिरात दर्शन घेण्यापूर्वी कडक नियमांचे पालन करावे लागते. शनि बाल ब्रह्मचारी असल्यामुळे महिलांना चौथर्‍यावर जाऊन दर्शन घेण्यास परवानगी नाही. दर्शनापूर्वी स्नान करणे अवश्य आहे. सर्व पुरुष स्नान करून ओल्या कपड्यांनी दर्शन घेऊ शकतात. शनिदेवाच्या मूर्तीवर तिळाचे तेल अर्पण करून प्रदक्षिणा घातल्या जातात.
शनी शिंगणापूर
भारतामध्ये सूर्यपुत्र शनिदेवाचे अनेक मंदिरे आहेत. यामधील एक प्रमुख मंदिर महाराष्ट्रातील अहमदनगर जिल्ह्यात शिंगणापूर येथे आहे. जगप्रसिद्ध या शनि मंदिराची विशेषता म्हणजे येथील शनिदेवाची पाषाण मूर्ती खुल्या आकाशाखाली उघड्यावरच संगमरवराच्या एक चौथर्‍यावर विराजित आहे. देव आहे पण देऊळ नाही असे या देवाचे वैशिष्ट्य आहे. ही मूर्ती उंचीला पाच फुट नऊ इंच आणि लांबीला एक फुट सहा इंच आहे. शनि शिंगणापूरचे महत्त्व शनिदेवाच्या इतर सर्व मंदिरांपेक्षा वेगळे आहे. आणखी एक विशेष गोष्ट म्हणजे या गावातील लोक घरांना कुलूप लावत नाहीत.