संत चोखामेळा - अभंग संग्रह १
संत चोखामेळा Updated: 15 April 2021 07:30 IST

संत चोखामेळा - अभंग संग्रह १ : अद्वैत

संत चोखामेळा - अभंग संग्रह १

अद्वैत   अद्वैत

श्रवणाचें श्रवण घ्राणाचें जें घ्राण । रसने गोडपण विठ्‌ठल माझा ॥१॥

वाचा जेणें उठी डोळा जेणें भेटी । इंद्रियांची राहाटी विठ्‌ठल माझा ॥२॥

प्राण जेणें चळे मन जेणें वोळे । शून्यातें वेगळें विठ्‌ठल माझा ॥३॥

आनंदीं आनंद बोधा जेणें बोध । सकळां आत्मा शुद्ध विठ्‌ठल माझा ॥४॥

मुळाचें निजमूळ अकुळाचें कुळ । चोखा म्हणे निजफळ विठ्‌ठल माझा ॥५॥

. . .