भूपाळी
संकलित Updated: 15 April 2021 07:30 IST

भूपाळी : पंढरीची भूपाळी

भूपाळी हा मराठी पारंपरिक संगीतप्रकार आहे. देवाला पहाटे जागे करण्यासाठी भूपाळी गाण्याची महाराष्ट्रात सांस्कृतिक परंपरा आहे. सहसा भुपाळ्या भूप रागात बांधलेल्या असतात.

नद्यांची भूपाळी   मारुतीची भूपाळी

उठा उठा हो वेगेंसी ।
चला जाऊं पंढरीसी ।
भेटों विठ्ठ्ल-रखुमाईसी ।
त्रिविधताप हरतील ॥ ध्रु. ॥

चंद्रभागे करु स्नान ।
घेऊ पुंडलिकाचे दर्शन ।
तेथे भेटती संतजन ।
तेणे मन निवेल ॥ १ ॥

गंगा यमुना सरस्वती ।
क्रुष्णा वेण्या भागिरथी ।
तुंगभद्रा भोगावती ।
येती श्रीपतिदर्शना ॥ २ ॥

तापी नर्मदा कावेरी ।
पंचगंगा गोदावरी ।
स्नाने केलिया बाहेरी ।
महादोश हरतील ॥ ३ ॥

रामानंदाचे माहेर ।
क्षेत्र नाम पंढरपूर ।
माता पिता विश्र्वंभर ।
पैलपार तरतील ॥ ४ ॥

. . .