पाळणा (बारसे)
संकलित Updated: 15 April 2021 07:30 IST

पाळणा (बारसे) : गणपतीचा पाळणा 2

बारशाच्या वेळी बाळाला पाळण्यात घालताना म्हणावयाची गाणी

गणपतीचा पाळणा 1   विष्णूचा पाळणा

जो जो जो जो रे गजवदना । पतीतपावना ।

निद्रा करि बाळा गजवदना । मुत्युंजय नदंना ॥धृ॥

पाळणा बांधियला जाडिताचा । पालख या सोन्याचा ।

चांदवा लाविला मोत्यांचा । बाळ निजवी साचा ॥१॥

दोर धरुनिया पार्वती । सखियांसह गीत गाती ।

नानापरी गुण वर्णाती । सुस्वर आळवीती ॥२॥

निद्रा लागली सुमुखाला । सिंदुर दैत्य आला ।

त्याते चरणाने ताडिला । दैत्य तो मारिला ॥३॥

बालक तान्हे हे बहुकारी । दैत्य वधिले भारी ।

करिती आश्‍चर्य नरनारी । पार्वती कोण उतरी ॥४॥

ऎसा पाळणा गाईला । नानापरी आळविला ।

चिंतामणि दास विनविला । गणनाथ निजविला ॥५॥

. . .