श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक १९ वा

ज्ञानेश्वरीतील उणीव एकनाथी भागवताने भरून काढली.

श्लोक १८ वा   श्लोक २० वा

विभ्व्यस्तवामृतकथोदवहास्त्रिलोक्याः । पादावनेजसरितः शमलानि हन्तुम् ।

आनुश्रवं श्रुतिभिरङ्घ्रिजमङ्गसङ्गैः । तीर्थद्वयं शुचिषदस्त उपस्पृशन्ति ॥१९॥

तुझिये कीर्तीचें श्रवण । आंतरमलाचें क्षालन ।

करूनियां वृत्ति जाण । परम पावन कीर्तनें ॥३२॥

तुझिया चरणींची गंगा । सकळ पातकें ने भंगा ।

ते पायवणी श्रीरंगा । पवित्र जगातें करी ॥३३॥

या दोंही तीर्थांचें सेवन । अखंड करिती साधुजन ।

तेणें होऊनि परम पावन । समाधान निजवृत्ती ॥३४॥

अवतारांचे अंतीं । ये दोनी तीर्थीं अतिविख्याती ।

प्रगट केली तुवां क्षिती । तारावया श्रीपती निजदासां ॥३५॥

एक श्रवणें एक स्नानें । दोनी तीर्थें परम पावनें ।

प्रगट केलीं जगज्जीवनें । मलिन जनें तरावया ॥३६॥

. . .