श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक २८ वा

ज्ञानेश्वरीतील उणीव एकनाथी भागवताने भरून काढली.

श्लोक २७ वा   श्लोक २९ व ३० वा

श्रीभगवानुवाच ।

अवधारितमेतन्मे यदात्थ विबुधेश्वर ।

कृतं वः कार्यमखिलं भूमेर्भारोऽवतारितः ॥२८॥

जो योगज्ञाना मुकुटमणी । मेघगंभीरया वाणी ।

ब्रह्मयाप्रती चक्रपाणी । हास्यवदनीं । बोलिला ॥६३॥

नादब्रद्म मुसावलें । कीं निजानंदाचें फळ पिकलें ।

तैसें श्रीमुखें बोलों आदरिलें । भाग्य उदेलें श्रवणांचें ॥६४॥

गौरवें म्हणे 'ब्रह्मदेवा । संतोषलों तुझिया भावा' ।

पुत्रस्नेहेंकरूनि तेव्हां । उद्यत खेवा हरि जाला ॥६५॥

आवडीं म्हणे विबुधेंद्रा । सत्य तुझी वाङ्‍मुद्रा ।

तुझेनि वचनें ब्राह्मणेंद्रा । धराभारा उतरिलें ॥६६॥

सकळ कार्य निःशेख । म्यां संपादिलें देख ।

तरी उरलें असे एक । थोर अटक मजलागीं ॥६७॥

. . .