श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ५२ वा

ज्ञानेश्वरीतील उणीव एकनाथी भागवताने भरून काढली.

श्लोक ५१ वा   श्लोक ५३ वा

नातिस्नेहः प्रसङ्गो वा कर्तव्यः क्वापि केनचित् ।

कुर्वन्विन्देत सन्तापं कपोत इव दीनधीः ॥५२॥

संसारदुःखाचें मूळ । स्त्रीआसक्तीच जाण केवळ ।

स्त्रीलोभाचें जेथ प्रबळ बळ । दुःख सकळ त्यापासीं ॥४७॥

स्त्रीपासाव झाले पुत्र । त्याचे ठायीं स्नेह विचित्र ।

करितां दुःखासी पात्र । संसारी नर होताती ॥४८॥

आसक्ति आणि स्नेहसूत्र । या दोन्हीपासाव दुःख विचित्र ।

पदोपदीं भोगिती नर । अस्वतंत्र होऊनि ॥४९॥

यालागीं भलतेनि भलते ठायीं । आसक्ति स्नेहो न करावा पाहीं ।

अतिस्नेहो मांडिजे जिंहीं । दुःख तिंही भोगिजे ॥५५०॥

स्नेहदुःखाची वार्ता । कपोताकपोतीची कथा ।

तूज सांगेन नृपनाथा । स्वस्थचित्ता परियेसीं ॥५१॥

. . .