श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ३५ वा

ज्ञानेश्वरीतील उणीव एकनाथी भागवताने भरून काढली.

श्लोक ३४ वा   श्लोक ३६ वा

कियत् प्रियं ते व्यभजन् कामा ये कामदा नराः ।

आद्यन्तवन्तो भार्याया देवा वा कालविद्रुताः ॥३५॥

सांडूनि हृदयस्था अच्युतातें । वरावें वरां निर्दैवांतें ।

तंव तो द्वैतभये भयचकिते । काळग्रस्ते सर्वदा ॥५१॥

जे निजभयें सर्वदा दुःखी । ते भार्येसी काय करिती सुखी ।

अवघीं पडलीं काळमुखीं । न दिसे ये लोकीं सुखदाता ॥५२॥

असो नराची ऐशी गती । करूं अमरांमाजीं अमरपती ।

विळांत ते चौदा निमती । पदच्युति अमरेंद्रा ॥५३॥

एवं सुर नरलोक लोकीं । आत्ममरणें सदा दुःखी ।

ते केवीं भार्येसी करिती सुखी । भजावें मूर्खीं ते ठायीं ॥५४॥

धन्य माझी भाग्यप्राप्ती । येचि क्षणीं येचि रातीं ।

झाली विवेकवैराग्यप्राप्ती । रमापति तुष्टला ॥५५॥

. . .