श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक १६ वा

ज्ञानेश्वरीतील उणीव एकनाथी भागवताने भरून काढली.

श्लोक १५ वा   श्लोक १७ वा

नारायणे तुरीयाख्ये भगवच्छब्दशब्दिते ।

मनो मय्यादधद्योगी मद्धर्मा वशितामियात् ॥१६॥

जीव शिव आणि प्रकृती । यांहूनि परती चौथी स्थिती ।

ज्यातें नारायण म्हणती । जाण निश्चितीं सज्ञान ॥९३॥

जागृति स्वप्न सुषुप्ती । यांवेगळी तुरीय स्थिती ।

त्यातें नारायण म्हणती । यथानिगुती सज्ञान ॥९४॥

दृश्य द्रष्टा दर्शन । यांअतीत चौथा जाण ।

त्यातें म्हणती नारायण । ज्ञानविचक्षण निजबोधें ॥९५॥

त्रिपुटीवेगळी जे मातू । असोनियां त्रिपुटी आंतू ।

जो कां त्रिपुटीसी अलिप्तू । तो मी विख्यातू नारायण ॥९६॥

यश श्री वैराग्य ज्ञान । ऐश्वर्य औदार्य हे षड्गुण ।

नित्य वसती परिपूर्ण । तो मी नारायण भगवंत ॥९७॥

त्या मज नारायणातें ध्यातां । माझी वशिता सिद्धी ये हाता ।

सर्व कर्मीं अलिप्तता । भोगून अभोक्ता भोगातें ॥९८॥

. . .