श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ४ था

ज्ञानेश्वरीतील उणीव एकनाथी भागवताने भरून काढली.

श्लोक ३ रा   श्लोक ५ व ६ वा

स इदानीं सुमहता कालेनामित्रकर्शन ।

न प्रायो भविता मर्त्यलोके प्रागनुशासितः ॥४॥

काम क्रोध लोभ अभिमान । हे भक्तांचे वैरी सहाजण ।

त्यांचें तूं करिशी निर्दळण । अरिमर्दन या हेतू ॥३१॥

भक्तांचें अरिनिर्दळण । तुजवांचोनि कर्ता आन ।

तिहीं लोकीं नाहीं जाण । अनन्यशरण यालागीं ॥३२॥

तुवां कल्पाचिये आदीसी । उपदेशिलें सनकादिकांसी ।

बहुकाळ जाहले त्या बोलासी । ते धर्म कोणापाशीं प्रायशां नाहीं ॥३३॥

प्रायशां ये कालीं नर । नाहीं स्वधर्मी तत्पर ।

शिश्नोदरीं अत्यादर । स्वधर्मविचार विसरोनी ॥३४॥

याथातथ्यें धर्मप्रतिष्ठा । करी ऐसा नाहीं उपदेष्टा ।

यालागीं जी वैकुंठा । स्वधर्मनिजनिष्ठा मज सांग ॥३५॥

. . .