श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ३२ वा

ज्ञानेश्वरीतील उणीव एकनाथी भागवताने भरून काढली.

श्लोक ३१ वा   श्लोक ३३ वा

अग्नौ गुरावात्मनि च सर्वभूतेषु मां परम् ।

अपृथग्धीरुपासीत ब्रह्मवर्चस्व्यकल्मषः ॥३२॥

ब्रह्मचर्यव्रत धरणें । ब्रह्मवर्चस्व चढे तेणें ।

आणि सद्‍गुरूचेनि भजनें । निष्पाप होणें निजवृत्तीं ॥३५॥

तेथें अग्निगुरु आपण । सर्व भूतांच्या ठायीं जाण ।

अभिन्न ब्रह्मभावन । अनुसंधान सर्वदा ॥३६॥

तेव्हां जें जें देखे दृश्यजात । तेथ ब्रह्मभावो अचुंबित ।

यापरी मातें उपासित । ब्रह्मयुक्त सद्‍भावें ॥३७॥

नैष्ठिक ब्रह्मचर्याचा नेम । वानप्रस्थसंन्यासिया सम ।

तेथील आवश्यक जो धर्म । मुख्य वर्म त्यागाचें ॥३८॥

. . .