श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ३७ वा

ज्ञानेश्वरीतील उणीव एकनाथी भागवताने भरून काढली.

श्लोक ३६ वा   श्लोक ३८ वा

अथानंतरमावेक्ष्यन्यथा जिज्ञासितागमः ।

गुरवे दक्षिणां दत्वा स्त्नायाद्‍गुर्वनुमोदितः ॥३७॥

संपूर्ण केलिया अध्ययन । जाहलिया वेदशास्त्रसंपन्न ।

तेणें गुरूसी आज्ञा पुसोन । व्रतविसर्जन सकामा ॥३७०॥

सकामनिष्कामतेचा भरु । देखोनि विवेकविचारु ।

तैशीच आज्ञा देती गुरु । जैसा अधिकारु शिष्याचा ॥७१॥

ज्यासी गृहश्रमाची आसक्ती । तेणें आपुल्या यथाशक्ती ।

दक्षिणा देऊनि गुरुप्रती । व्रतसमाप्ती करावी ॥७२॥

करावया समावर्तन । घेऊनि गुरूचें अनुमोदन ।

करावें मंगलस्नान । विसर्जन व्रतबंधा ॥७३॥

येथ अधिकाराचा भेदु । स्वयें सांगतो गोविंदु ।

तोचि श्लोकार्थे विशदु । वैराग्यसंबंधु अधिकारा ॥७४॥

. . .