श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ५३ वा

ज्ञानेश्वरीतील उणीव एकनाथी भागवताने भरून काढली.

श्लोक ५२ वा   श्लोक ५४ वा

पुत्रदाराप्तबन्धूनां सङ्गमः पान्थसङ्गमः ।

अनुदेहं वियन्त्येते स्वप्नो निद्रानुगो यथा ॥५३॥

जैसे वृक्षातळीं पांथिक । एकत्र मीनले क्षण एक ।

तैसे पुत्रदाराप्तलोक । सर्वही क्षणिक संगम ॥९८॥

उभय नदीप्रवाहेंसीं । काष्ठें मीनलीं संगमीं जैसीं ।

सोयरीं सर्व जाण तैसीं । हेलाव्यासरसीं फांकती ॥९९॥

जे योनीं जो जीव देहधारी । तेथें तेचि योनींचीं सोयरीं ।

ऐशीं अनंत जन्में संसारीं । तैं अमित सोयरीं जीवाचीं ॥५००॥

परी ये योनीचीं ते योन्यंतरीं । येरयेरां नोळखती सोयरीं ।

जैसी ये स्वप्नींची पदार्थपरी । त्या स्वप्नांतरीं रिघेना ॥१॥

यापरी हे समस्त । स्त्री पुत्र बंधु आप्त ।

मायामय कल्पित । जाणें निश्चित तो धन्य ॥२॥

. . .