श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ४ था

ज्ञानेश्वरीतील उणीव एकनाथी भागवताने भरून काढली.

श्लोक ३ रा   श्लोक ५ वा

तपस्तीर्थं जपो दानं पवित्राणीतरणि च ।

नालंकुर्वन्ति तां सिद्धिं या ज्ञानकल्या कृता ॥४॥

सकळ साधनां नव्हे जे शुद्धी । ते ज्ञानलेशें होय त्रिशुद्धी ।

ऐक उद्धवा सुबुद्धी । ते ज्ञानशुद्धीचा महिमा ॥५८॥

`तप' जें परार्क पंचाग्नी । `तीर्थ' गंगादि सविता त्रिवेणी ।

`जपु' जे नाना मंत्रश्रेणी । गो-भू-तिल `दानीं' सुवर्णादि ॥५९॥

आणिकही इतर `पवित्रें' । जें `स्वधर्मकर्मादि' स्वाचारें ।

नाना `याग' अग्निहोत्रें । पवित्रकरें अतिशुद्ध ॥६०॥

एवं तपादिक जें साधन । या सकळांची शुद्धी गहन ।

ते ज्ञानलेशासमान । पवित्रपण तुळेना ॥६१॥

ज्ञाननिष्ठा अर्धक्षणें । जे पवित्रता स्वयें लाहणें ।

तें तपादि नाना साधनें । नाहीं पावणें कल्पांतीं ॥६२॥

ऐसें जें `पवित्रज्ञान' । तें मुख्यत्वें धरोनि जाण ।

माझे करावें भजन । तेंचि निरूपण हरि बोले ॥६३॥

. . .