श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक ३१ वा

ज्ञानेश्वरीतील उणीव एकनाथी भागवताने भरून काढली.

श्लोक ३० वा   श्लोक ३२ व ३३ वा

तस्मान्मद्भक्तियुक्तस्य, योगिनो वै मदात्मनः ।

न ज्ञानं न च वैराग्यं, प्रायः श्रेयो भवेदिह ॥३१॥

करुं नेणे कर्माचरण । न साधितां वैराग्यज्ञान ।

भावें करितां माझें भजन । माझ्या स्वरुपीं मन ठेवूनी ॥८७॥

तेथ ज्ञानकर्मादिकें जाण । मुख्य वैराग्यही आपण ।

मद्भक्तीसी येती लोटांगण । चरणां शरण पैं येती ॥८८॥

शरण येणें हें कायशी गोठी । केवळ जन्मती भक्तीच्या पोटीं ।

मग लडेवाळें घालूनि मिठी । स्वानंदाची गोमटी मागती गोडी ॥८९॥

एवं भक्ति आपुले अंकीं जाण । करी ज्ञानादिकांचे लालन ।

परमानंद पाजूनि पूर्ण । करी पालन निजांगें ॥३९०॥

ते आतुडल्या माझी भक्ती । ज्ञानादिकें कामारी होती ।

तेचिविखींची उपपत्ती । स्वयें श्रीपती सांगत ॥९१॥

. . .