श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक १९ वा

ज्ञानेश्वरीतील उणीव एकनाथी भागवताने भरून काढली.

श्लोक १८ वा   श्लोक २० व २१ वा

सप्तैव धातव इति, तत्रार्थाः पञ्च खादयः ।

ज्ञानमात्मोभयाधारस्ततो देहेन्द्रियासवः ॥१९॥

पंचवीस सव्वीस तत्त्वगणन । मागां सांगितलें निरुपण ।

आतां साता तत्त्वांचें लक्षण । ऐक सुलक्षण सांगेन ॥९१॥

महाभूतें जीव शिव । हा सातां तत्त्वांचा जाण भाव ।

प्राणेंद्रियसमुदाव । याचिपासाव पैं होत ॥९२॥

महाभूतें अचेतन । यांसी चेतविता जीव जाण ।

त्याचाही द्रष्टा परिपूर्ण । ईश्वर जाण सातवा ॥९३॥

माया महत्तत्त्व अहं जें येथ । हें सूक्ष्मकारणें निश्चित ।

यांपासोनि स्थूळ भूतें होत । कारणें कार्यांत सबाह्य ॥९४॥

मनइंद्रियादि जें कां येथें । तेंही यांत अंतर्भूतें ।

एवं जाण येणें मतें । पांच महाभूतें नेमिलीं ॥९५॥

यांसी चेतविता जीव । सर्वनियंता सदाशिव ।

एवं सप्ततत्त्वसमुदाव । तो हा उगव उद्धवा ॥९६॥;

आतां सहा तत्त्वें ये पक्षीं जाण । तुज मी सांगेन निरुपण ।

जें बोलिले ऋषिजन । तें विवंचन अवधारीं ॥९७॥

. . .