श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक १६ वा

ज्ञानेश्वरीतील उणीव एकनाथी भागवताने भरून काढली.

श्लोक १५ वा   श्लोक १७ वा

अणुर्बृहत्कृशः स्थूलो यो यो भावः प्रसिध्यति ।

सर्वोऽप्युभयसंयुक्तः प्रक्रुत्या पुरुषेण च ॥१६॥

अणु म्हणिजे अतिसूक्ष्म सान । बृहत् म्हणिजे विशाळ जाण ।

कृश म्हणिजे किरकोळपण । स्थूळ तें पूर्ण जडावयवीं ॥५३॥

जें जें दृष्टिगोचर झालें । जें जें नांवरुपा आलें ।

तें तें उभययोगें केलें । जाण घडलें प्रकृतिपुरुषीं ॥५४॥

जें उभययोगसंभव । जग ऐसें ज्याचें नांव ।

तें प्रकृतिपुरुष सावेव । तिसरा भाव असेना ॥५५॥

या दोहींवेगळें निरवयव । जेथूनि या दोहींचा उद्भव ।

तेचि सद्वस्तु सर्वी सर्व । देवाधिदेव सांगत ॥५६॥;

. . .