श्रीएकनाथी भागवत
एकनाथ महाराज Updated: 15 April 2021 07:30 IST

श्रीएकनाथी भागवत : श्लोक १९ वा

ज्ञानेश्वरीतील उणीव एकनाथी भागवताने भरून काढली.

श्लोक १८ वा   श्लोक २० वा

यथा हिरण्यं सुकृतं पुरस्तात्पश्चाच्च हिरण्मयस्य ।

तदेव मध्ये व्यवहार्यमाणं नानापदेशैरहमस्य तद्वत् ॥१९॥

मुकुट कुंडलें करकंकणें । न घडितां सोनें सोनेपणें ।

त्याचीं करितां नाना भूषणें । लेणेंपणें उणें नव्हेचि हेम ॥६३॥

ते न मोडतां अळंकारठसे । सोनें अविकार संचलें असे ।

तेवीं उत्पत्तिस्थितिविनाशें । माझें स्वरुप चिदंशें अविनाशी ॥६४॥

माझें स्वरुप शुद्ध परब्रह्म । तेथ नाना रुप नाना नाम ।

भासतांही जग विषम । ब्रह्मसम समसाम्यें ॥६५॥

जेवीं सूर्याचे किरण । सूर्यावेगळे नव्हती जाण ।

तेवीं जग मजशीं अभिन्न । तेंचि निरुपण हरि सांगे ॥६६॥

. . .